التعرف على فتاة و التعامل معها j

خوتي من بعد الموضوع اللي فات، دابا غادي نهضروا على واحد الموضوع مهم جدا ! هاذ الموضوع مشكل مشكلة لبزاااااف ديال الدراري ومنهم أنا ولكن عادي نحاولو نتغلبوا عليه بشي لمسات خفيفة grin emoticon المهم أخوتي شحال من مرة كضرب أحسن حطة عندك وكتقاد الحالة مزياااان وكتخرج وتمشي مثلا لشي بلاصة مقودة عامرة تيتيز ولكن كتفاجئ أنه تا وحدة ما مسوقة ليك وكتبقا دور في راسك، تا مالي أنا يهودي ما نضربش الحلوة ! المهم أخوتي موضوع اليوم هو "كيفاش ثير الانتباه ديال التيتيز" grin emoticon 1- حسن المظهر ديالك : وخا ضرب الحطة اللي ضربتي ولكن كيبقاو شي حوايج أهم من الحطة أخي الزنجي، اللحية إلا عندك قادها، عندك غير الموسطاش خليه خفيف، وجهك ناشف دير مرطب، فيك الحبوب لقا ليه شي حل أولا سير عند الطبيب، شعرك ضرب شي تحسينة مزيااانة وقادو مزيان وخلينا من داكشي ديال التشرميل، النظافة، الدوش، الريحة الزوينة، تقاشر نقيين، مزيلات العرق والعلام ! من لخر راه ماشي عيب الواحد يتهلا في راسو، خسر على راسك شوية الفلوس، شري بروديات ديال الشعر، ريحة أي حاجة كتبان ليك أنها غادي تحسن المظهر ديالك wink emoticon 2- لبس قدك يواتيك، بانت ليك شي تتيزة مقودة وعندها شي فورمة مقودة، إلا مكنتيش تا نتا فورمة مزيانة وواقف نصيحة بلا ما تمشي عندها، بانت ليك شي وحدة عينيها زرقين وزعرة وكتشبة لأنجلينا جولي نصيحة خليها لشي واحد كيشبه براد بيت أو سير عندها إلا كنتي كتشبه ليه grin emoticon 3- لبس بحال المليونيرات وخا يكون الجيب حازق، فأول لقاء البنت ما غاديش تقلب ليك جيوبك ولكن إلا كنتي ضارب شي حطة كتبان ساوية الدرية غادي تطمع وخا تكون نتا حازق في الأصل ! شوف خويا ختار واحد الستيل ديال اللبس وسير عليه كلاس أو كاجوال أو مرة مرة نوع، وأحسن حاجة يكون لبسك سامبل، صحاااب التشرميل داك الهيت كتخسرو فيه الزبل د الفلوس اللي يشريو ليك حطات مقودييين ديال ماركات مقودين ! نصيحة داك الهيت ما واكلش مع التيتيز المقود ونتا براسك شوية بشوية غادي تلقا راسك كتبان مبرهش فيه وغتقلب عليه wink emoticon 4- الجلسة مزيان أو الوقفة مزيان، فينما كنتي جالس أو واقف جلس مزيان وما تبانش مدعوق وخايف الجلسة تكون خاترة، كتكمي كمي بطريقة خاترة ! واقف دفع لي الصدر شوية و خلينا من ترينا شهر بغا يتشهر، راه خاسك تبان واقف ماشي مدعوق ! 5- ما تكونش باسل، التلواط ديال السبعينات عفا عليه الزمن، ديك بس بس أزين ولا منشوفوش قداااامت وإلا درتيها مع التيتيز المقود غادي يضحكو عليك، كذلك إلا وقفتي مع شي وحدة ما ديرش داك الضحك الباسل باش تخفف التوتر، ضحك ولكن بحدود ! 6- طور المهارات اللغوية ديالك، هاذ الوقت الواحد إلا مكانوش عنده 2 لغات ما غاديش يعيش، ديما تكون عندي على الأقل الإنجليزية والفرنسية تقدر شي مرة بالصدفة طيح في شي كاورية وما تعرفش تواصل معاها وتبقا تندب ! 7- كون ذكي، الدريات كيبغيو الدري يكون ذكي وكيفهمها طايرة، شافت فيك فهمها أش بغااات ما تبقاش تشوف، بين ليها الذكاء ديالك في طريقتك في الهضرة، راه كيعجبهم الشاب الذكي هادشي إلا طبقتيه أخويا كون متأكد أنك وقتما خرجتي غتجيب واحد 2 نمرات أولا 3