التعرف على فتاة و التعامل معها 2

وصلنا أخوتي للجزء الثاني في كيفاش تدخل تيتيزة ؟ grin emoticon مهم كيف خليناها في الجزء الأول، المشكل المقود هو منين كتقوليها سلام صافا وداك التعارف الأولي كتوحل، وتتلقا دماغك لحال مسحوه ليك ! تتبلوكا ومتلقى ما تقول وبالتالي تتوتر وتتبدا غير تتخربق ! قبل ما تعرف أخويا شنو تقول خاسك تعرف شنو ما تقولش في ديك اللحظة : - ما تمدحهاش، راك يلاه دخلتيها ماشي سلام صافي راك زوينة أوكي باي squint emoticon هاذي كنخليوها تال لخر كاع ! -ما تهضرش على الطقس وديك الحموضة ! سلام صافا وا الحال مبرد هاذ النهار ! تا مال أثبي شغلك في الطقس د ثبي، من لخر هذا موضوع تافه هو والسياسة والكورة غير نسا يا أخي ! - ما تسولهاش الأسئلة اللي الجواب ديالها نعم أو لا ! هاذو ما غاديش يعطيوك مجال باش تهضر ! من بعد ديك السلام صافي ؟ بزاف كيتكا على الأسئلة بحال البوليس، شحال في عمرك ؟ فين ساكنا ؟ مزوجة ؟ شحال فيك في الوزن ؟ الطول ؟ مثقوبة ؟ معاش كتفيقي ؟ يا اخي كالما كالما ! بهاذ الأسئلة راك مكتعطيهاش أدنى سبب أنها تكمل معاك الهضرة ! هذا ما بقاش تعارف ولا استنطاق squint emoticon مزال السؤال ديال فاش غادي نهضر معاها ؟ هذا سؤال المليون grin emoticon في اللول أخويا الجندي ديما حاول تهضر على راسك بدون ما تزيد فيه ثاني وتبان متكبر ! أنعطيك مثال : السلام أنا معاذ صافا عليك ؟ وي الحمد لله أنا فلانة colonthree emoticon أنا ديما كنخرج من الخدمة كنخدم في Casanearshore ها هي غير هنا قريبة وكنجي لهاذ البارك ولكن أول مرة غادي نشوفك ؟ (Poke : Tarik Seghiouer) هكا دخلتيها وبينتي ليها فاش خدام أو فاش كتقرا مثلا بطريقة غير مباشرة ! ملاحظة : مسموح طليق السلوكية في هاذ الحالات لكن ما تنساش الكذاب نسيه وسوله هههههه حضي راسك ! منين كدوي على راسك كتكون عطيتي لراسك واحد القيمة اللي استقبلها العقل ديالها وخزنها بلا ما تشعر هي وهذا ربح ليك، من بعد سولها ونتي فاش خدامة أو فاش كتقراي مثلا حيث هاذي فرصة مناسبة grin emoticon من مور ما قدمتي ليها راسك، وعرفتيها شوية يمكن ليك تكتفي، حيث ديما المحادثة لأول مرة ما خاسهاش تكون طويلة باش ما تحسوش بالملل ! 10 دقائق كافية جدا، من مور هادشي كتقوليها مثلا أنا مشغول، أو خاسني نمشي نشوف الواليدة هنا غادي تنسحب وفي نفس الوقت عطيتي لراسك قيمة مضافة أخرى، هي كتقول مع راسها مثلا السيد كيخدم وبوكو لعاقة أو السيد حنين عزيزة عليه الأم دياله، من موراها كتقوليها مهم أنا غادي نخلي ليك الرقم ديالي إلا بغيتي سيفطي لي ميساج أو عيطي لي ندخل الرقم ديالك عندي نزيدو نتعرفو على بعضياتنا ! كيف لاحظتو قلت ليكم نتا اللي تعطيها الرقم ديالك حيث إلا طلبتيه منها هي تقدر تردد، لذا من الأحسن تعطيه ليها وهي غتمشي وغتفكر مزيااان وكون أكيد غادي تعيط ليك wink emoticon ملحوظة أخيرة : تجنب ما أمكن تسولها على العمر ديالها wink emoticon حتال فرصة أخرى ^^